ᓄᓇᕗᒻᒥ ᓄᓇᓕᓗᒃᑖᖃᔭᖏᑦᑎᑐᑦ, ᑎᑭᕋᕐᔪᐊᖅ ᐱᖅᑯᓯᑐᖃᑎᒍᑦ ᐱᕈᖅᐸᓪᓕᐊᓂᕐᒥᒃ ᐊᑐᖅᑐᒻᒪᕆᐅᔪᖅ ᑐᒃᑐᓂᒃ ᒪᖃᐃᓂᒃᑯᑦ, ᐃᖃᓗᒃᓯᐅᕐᓂᒃᑯᑦ ᐊᒪᓗ ᓇᑦᑎᖅᓯᐅᕐᓂᒃᑯᑦ. ᐅᑭᐅᖑᑎᓪᓗᒍ ᐃᒃᑮᕌᓘᖕᒪᑦ, ᐊᒥᓱᑦ ᐱᓕᕆᐊᒃᓴᐃᑦ, ᓲᕐᓗ ᐃᒡᓗᕐᔪᐊᓕᐅᕐᓂᖅ, ᐊᑉᖁᓯᕆᓂᖅ, ᐊᒪᓗ ᐊᖏᕐᕋᕆᔭᐅᔪᓂᒃ ᐱᓕᕆᐊᖃᖃᑦᑕᕐᓃᑦ ᐱᓕᕆᐊᖑᖃᑦᑕᖅᑐᑦ ᓯᓚ ᐃᒃᑮᕐᓇᓗᐊᕈᖕᓃᕌᖓᑦ ᐊᒪᓗ ᒪᓂᕋᖅ ᐊᐅᒃᓯᒪᓕᖅᑎᓪᓗᒍ.
ᐱᓕᕆᑎᑦᑎᔨᐅᓗᐊᖅᑐᑦ ᓄᓇᓕᖕᒥᑦ ᕼᐋᒻᓚᒃᑯᑦ, ᐃᓴᑎᒃ ᑯᐊᐸᒃ, ᐊᒪᓗ ᓄᓇᓕᖕᒥᑦ ᐃᖃᓗᓕᕆᕝᕕᒃ.
ᓇᖕᒥᓂᖅ ᐱᔅᓂᓯᖃᓕᕐᓂᕐᒥᒃ ᐊᔭᐅᖅᑐᐃᖃᑦᑕᖅᑐᑦ ᑎᑭᕋᕐᔪᐊᕐᒥᑦ. ᓄᓇᓕᖕᒥᑦ ᐱᕙᓪᓕᐊᔪᓕᕆᔨ ᐱᓕᕆᔨᒋᔭᐅᔪᖅ ᕼᐋᒪᓚᒃᑯᓐᓄᑦ ᐃᑲᔪᐃᔪᖅ ᓄᓇᓕᖕᒥᐅᓂᒃ ᐱᔅᓂᓯᖃᓕᕐᓂᕐᒧᑦ ᐱᒋᐊᕐᓂᕐᒥᒃ ᐱᔭᕆᐊᖃᐃᓐᓇᕐᓂᐅᔪᓂᒡᓗ. ᓄᓇᓕᖕᒥᑦ ᐱᔅᓂᓯᐅᔪᓂᑦ ᐃᓚᐅᔪᑦ ᒪᕐᕉᒃ ᑳᓐᑐᕌᒃᓕᕆᓂᒃᑯᑦ, ᐊᑕᐅᓯᖅ ᓄᓇᒃᑰᕈᑎᕐᔪᐊᓂᒃ ᐊᑐᖅᑐᐊᖅᑎᑦᑎᓂᕐᒥᒃ, ᐊᒪᓗ ᐃᓄᒃᑎᑑᓕᕆᔪᓕᕆᓂᕐᒥᒃ. ᐃᓴᑎᒃ ᑯᐊᐸᒃ ᐃᓄᖕᓄᑦ ᓇᖕᒥᓂᕆᔭᐅᔪᖅ ᐊᒪᓗ ᓂᐅᕕᕐᕕᑑᑉᓗᓂᒃ ᓂᕿᓂᒃ ᐱᖁᑎᓂᒡᓗ ᓂᐅᕕᐊᒃᓴᖃᖃᑦᑕᕐᓂᕐᒧᑦ ᑎᑭᕋᕐᔪᐊᕐᒥᑦ.