ᐱᖅᑯᓯᑎᒍᑦ ᖃᓄᐃᓕᐅᕐᓃᑦ ᐊᑐᖅᑕᐅᖃᑦᑕᖅᑐᑦ ᓱᓕ ᐊᒪᓗ ᐅᒡᓚᖅᖢᒍ ᑎᑭᕋᕐᔪᐊᖅ ᐃᒃᐱᒍᓱᒃᑎᑕᐅᔪᖕᓇᖅᑐᑎᑦ ᐃᓅᓯᓗᒃᑖᕐᓂᒃ ᐳᐃᒍᔾᔮᖏᑕᕐᓂᒃ ᖃᖓᐅᒐᓗᐊᖅᐸᑦ ᑎᑭᕋᕐᔪᐊᕐᒧᐊᕐᓂᕆᔭᐃᑦ. ᐅᐱᕐᖔᒃᑯᑦ ᐃᓚᐅᖃᑕᐅᔪᖕᓇᖅᑐᑎᑦ ᐃᖃᓗᒡᒎᕐᓂᕐᒥᒃ, ᓄᓇᓕᖕᒥᐅᑦ ᐊᖏᓛᒥᒃ ᐃᖣᕋᕋᓱᒃᑐᑦ. ᐊᐅᔭᖅ ᑐᑭᖃᖅᑐᖅ ᓯᓂᒃᑕᕆᐊᖅᓯᒪᓂᖅ ᒪᖃᐃᓐᓂᕐᓗ, ᐅᑭᐊᒃᓵᒃᑯᓪᓕ ᐸᐅᕐᖓᖅᓯᐅᕐᓇᐅᑉᓗᓂ ᐊᒪᓗ ᒥᖅᓱᒐᓂᒃ ᐱᐊᓂᒃᐸᓪᓕᐊᓂᐅᑉᓗᓂ ᐊᓐᓄᕌᕆᔭᐅᓂᐊᖅᑐᓂᒃ ᐅᑭᐅᑯᑦ.
ᐸᐅᕐᖓᖅᑕᕆᐊᕐᓂᖅ ᖁᕕᐊᒋᔭᐅᑦᑎᐊᖅᑐᖅ ᓄᓇᕗᒻᒥᐅᓗᒃᑖᓄᑦ ᐊᒪᓗ ᑎᑭᕋᕐᔪᐊᖅ ᐃᓚᐅᖃᑕᐅᖏᑦᑑᖏᖢᓂ. ᐱᑭᐅᑕᕐᓂᖅ ᐊᒪᓗ ᒪᖃᐃᓐᓂᖅ ᒥᑭᑦᑎᓂᒃ ᓂᕐᔪᑎᓂ, ᓲᕐᓗ ᑎᖕᒥᐊᑦ ᐊᒪᓗ ᐅᑲᓕᐊᕐᔪᐃᓪᓗ, ᐱᑕᕆᔭᐅᒐᔪᖕᒥᔪᑦ.
ᐅᑭᐅᑯᑦ ᐃᒃᑮᕌᓗᒃ ᑖᖅᖢᓂᓗ, ᑭᓯᐊᓂ ᖃᓄᐃᓕᐅᖃᑦᑕᕈᓘᔭᕐᓃᑦ ᐃᑲᔪᐃᔪᑦ ᓄᓇᓕᖕᒥᐅᓂᒃ ᐱᓕᕆᐊᒃᖃᑦᑎᑦᑏᓐᓇᕐᓂᕐᒥᒃ! ᓂᕆᕕᒡᔪᐊᕐᓃᑦ ᕿᑎᖕᓂᖅᑕᖃᐅᖅᖢᑎᒃ ᐊᒪᓗ ᐃᒐᔭᐅᔪᑦ ᐊᖏᕐᕋᖏᓐᓂᒃ ᐸᓚᐅᒑᓗᖀᑦ ᐱᑕᖃᕋᔪᒃᑐᑦ, ᐱᖅᑯᓯᑐᖃᐃᓪᓗ ᕿᑎᒍᑏᑦ. ᑏᓕᐅᒡᒍᓴᐅᔾᔪᐊᕐᓂᖅ ᐸᓚᐅᒑᓕᐅᒡᒍᓴᐅᔾᔪᐊᕐᓃᓪᓗ ᐊᓯᖏᓪᓗ ᕿᑎᒍᑏᑦ ᐅᑉᓗᕐᒥᑦ ᐱᐊᓚᑎᑦᑎᖃᑦᑕᖅᑐᑦ ᐃᓄᐃᓪᓗ ᑲᑎᖃᑦᑕᐅᑎᓂᖏᑦ ᐅᑭᐅᑉ ᑕᖅᑭᖏᓐᓂᒃ.
ᐃᓄᐃᑦ ᑐᙵᓇᖅᑐᑦ ᓱᓇᑐᐃᓐᓇᓂᒡᓗ ᐃᓚᐅᖃᑕᐅᑎᑦᑎᔪᒻᒪᐅᑉᓗᑎᒃ, ᐱᕕᖃᖅᑎᒋᐊᕐᓂᐊᖅᐳᑎᑦ ᓂᕆᕕᒡᔪᐊᖅᑐᓄᐊᖃᑕᐅᓂᕐᒧᑦ ᕿᑎᖃᑕᐅᓂᕐᒧᓪᓗ.