ᑎᑭᕋᕐᔪᐊᕐᒧᑦ ᐅᒡᓚᖅᑐᑦ ᓄᓇᓕᖕᒥᑦ ᑕᑯᓂᐊᕐᓗᑎᒃ ᓇᒧᙵᐅᖃᑦᑕᕈᖕᓇᖅᑐᑦ ᓇᖕᒥᓂᖅ, ᐱᓱᒡᓗᑎᒃ. ᒐᕙᒪᐃᑦ ᑎᑎᕋᕐᕕᖏᓐᓂᑦ ᐱᒋᐊᕐᓗᑎᒃ, ᓯᒡᔭᒧᑦ ᒪᖃᐃᑏᑦ ᑎᑭᑉᐸᓪᓕᐊᕕᖓᓄᑦ ᑎᑭᐅᔾᔨᓗᑎᒃ ᐱᑕᕆᔭᕐᒥᖕᓂᒃ. ᒪᓕᒃᖢᒍ ᓯᒡᔭᒥᑦ ᐊᑉᖁᑎ ᓂᒋᕐᒥᑦ, ᓂᐅᕕᖅᑏᑦ ᓴᐅᒥᒃᖠᖕᓃᖢᓂ, ᐅᒡᓚᖅᑐᖅ ᐅᖅᓱᐊᓘᓯᕝᕕᖕᓄᐊᕐᓗᓂ, ᐊᐅᔭᒃᑯᑦ ᐅᑭᐅᓗᒃᑖᕐᒧᑦ ᐅᖅᓱᓂᒃ ᐊᒡᔭᖅᓯᕝᕕᐅᖃᑦᑕᖅᑐᑦ ᐅᑭᐅᒧᑦ ᐊᑐᕐᓂᐊᖅᑐᓂᒃ.
ᐊᑐᒃᑲᓐᓂᕐᓗᒋᑦ ᐱᓱᒡᕕᒋᔭᐃᑦ ᑕᒃᐸᐅᖓᐅᓗᑎᑦ ᓄᑖᓄᑦ ᐃᒡᓗᕐᔪᐊᓕᐅᖅᑕᐅᔪᓄᑦ. ᐅᖓᓯᓛᒥᑦ ᑕᒡᕙᙵᑦ, ᐱᓱᒡᕕᒃᑕᖃᖅᖢᓂ ᓄᓇᒧᑦ ᑕᑯᒃᓴᐅᑉᓗᓂ [Wilson Bay] ᓂᒋᕐᒧᑦ. ᐅᑎᓕᖅᖢᓂ ᓯᒡᔭᒧᑦ, ᐃᖃᓗᓕᕆᕝᕕᖕᒧᐊᕐᓗᑎᑦ, ᑕᒡᕙᓂ ᐃᖃᓗᒃᐱᒃᑕᐅᓚᐅᖅᑐᑦ ᐱᓕᕆᐊᖑᖃᑦᑕᖅᖢᑎᒃ.
ᐅᐊᖕᓇᖓᓂᑦ ᓄᓇᓕᐅᑉ, ᕼᐋᓐᑕᐃᑦ ᐃᓂᒃᑲᓐᓂᖏᑦ ᒥᑭᔪᓄᑦ ᑕᓯᕐᓄᙵᐅᔪᑦ. ᖃᑉᓯᐊᕐᔪᐃᑦ ᑖᑉᑯᐊ ᐅᕐᓂᒃᑕᐅᒐᔪᒃᑐᑦ ᓂᕆᔭᖅᑐᓗᕿᑦᑐᓄᑦ, ᐊᐅᔭᒃᑯᓪᓗ ᐸᐅᕐᖓᖅᑕᖃᐅᖅᖢᑎᒃ. ᐃᖃᓗᐃᑦ ᐃᑎᓛᓂᑦ ᑕᓯᕐᓂᑦ ᐃᖣᕋᐃᑦ ᐊᒪᓗ ᐊᒥᕋᕐᓗᒃᑐᐃᑦ. ᓯᒃᓯᓂᒃ ᕿᓂᖃᑦᑕᕐᓗᑎᒃ, ᐊᒪᓗ ᐊᓯᖏᓐᓂᒃ ᒥᑭᔪᓂᒃ ᓄᓇᒥᐅᑕᓂᒃ.
ᔪᓚᐃᒥᑦ, ᑎᑭᕋᕐᔪᐊᕐᒥᐅᑕᐃᑦ ᑲᑎᖃᑦᑕᖅᑐᑦ ᕼᐋᒪᓚᙳᓚᐅᕐᓂᖓ ᖁᕕᐊᓲᑎᒋᑉᓗᒍ ᓇᒃᑭᐅᖢᑎᒃ, ᑏᓗ ᐸᓚᐅᒑᓕᐅᒎᖅᖢᑎᒃ ᐊᒪᓗ ᐃᓄᐃᑦ ᕿᑎᒍᓯᖏᑦ ᕿᑎᒃᑕᐅᑉᓗᑎᒃ. ᓂᕆᕕᒡᔪᐊᖕᓂᖃᕋᔪᒃᖢᑎᒡᓗ ᐊᓯᖏᓪᓗ ᐃᓄᐃᑦ ᐃᓕᖅᑯᓯᖏᑦ ᕿᓚᐅᔾᔭᕐᓃᑦ ᐊᒪᓗ ᐊᔮᔮᕐᓃᑦ.