ᑎᑭᕋᕐᔪᐊᖅ ᓄᕗᖕᒦᑦᑐᖅ, ᑕᓯᐅᔭᕐᔪᐊᑉ ᐱᖓᖕᓇᖅᐸᓯᖓᓂᑦ. ᓄᓇᓕᒃ ᐃᓐᓄᖕᒪᑦ ᐊᔾᔨᒌᖏᑦᑐᓂᙶᖅᑐᓂᒃ ᐃᓄᖃᐅᓚᐅᖅᑐᖅ (ᐊᑕᐅᓯᖅ ᓄᓇᒥᙶᖅᑐᓂᒃ ᐊᒪᓗ ᒪᕐᕉᒃ ᑕᕆᐅᒥᙶᖅᑐᓂᒃ), ᓄᓇᓕᖕᒧᐊᓚᐅᖅᑐᑦ ᐱᕙᓪᓕᐊᓕᓵᖅᑎᓪᓗᒍ 1950-ᖏᓐᓂᑦ. ᐅᑉᓗᒥᐅᔪᖅ, ᑎᑭᕋᕐᔪᐊᖅ ᐱᖅᑯᓯᑐᖃᒥᓂᒃ ᐊᑐᕐᓂᖅᓴᐅᓂᖃᖅᑐᖅ ᓱᓕ, ᐊᔾᔨᒌᖏᑦᑐᓂᒃ ᐅᖃᐅᓯᖃᖅᑐᓂᒃ ᐃᓕᖅᑯᓯᖃᖅᑐᓂᒡᓗ, ᓄᓇᒥᙶᖅᑐᓂᒃ ᑕᕆᐅᒥᙶᖅᑐᓂᒡᓗ ᐱᖅᑯᓯᓕᖕᓂᑦ.
ᓂᕐᔪᑏᑦ ᓄᓇᒥᐅᑕᐃᑦ ᑕᕆᐅᕐᒥᐅᑕᐃᓪᓗ ᐱᑕᖃᐅᕐᓂᖏᓐᓄᑦ ᑎᑭᕋᕐᔪᐊᑉ ᐃᓄᖏᓐᓂᒃ ᐱᖅᑯᓯᑐᖃᑎᒍᑦ ᖁᕕᐊᒋᔭᖏᑦᑎᒍᑦ ᓂᕆᔪᖕᓇᖃᑦᑕᖅᑐᑦ. ᓇᑦᑏ, ᐊᐃᕖᑦ ᐊᒪᓗ ᕿᓇᓗᒐᐃᑦ ᓂᕆᔭᐅᓗᐊᖃᑦᑕᖅᑐᑦ. ᐅᑭᐅᑉ ᐃᓚᖓᒍᑦ ᑐᒃᑐᓂᒃ ᓇᓄᕐᓂᒡᓗ ᒪᖃᐃᓐᓂᖅ, ᐊᒪᓗ ᐃᖣᕋᓂᒃ ᐃᖃᓗᒃᐱᖕᓂᒡᓗ ᐃᖃᓗᒃᓯᐅᕐᓂᖅ ᐊᑐᖅᑕᐅᖃᑦᑕᕋᔪᖕᒥᔪᖅ.
ᐃᓚᓂᐊᕐᓗᒋᑦ ᐃᒪᕐᒥᑕᐃᓗ ᓄᓇᒥᐅᑕᐃᓪᓗ ᓂᕿᖏᑦ, ᓂᕿᑦᑎᐊᕙᐃᑦ ᑎᒥᒧᑦ ᐸᐅᕐᖓᐃᑦ ᐊᒪᓗ ᕿᖅᑯᐊᑦ ᑲᑎᑕᐅᖃᑦᑕᕐᒥᔪᑦ ᓂᕆᔭᐅᓂᐊᖅᖢᑎᒃ.